Ректори Донишкадаи соҳибкорӣ ва хизмат, профессор Ф. Комилов бо даъвати Бунёди ҷамъиятии байналмилалии «Гуфтугўи Евроосиё» ва супориши Вазорати Маорифи Ҷумҳурии Тоҷикистон ба ҷумҳурии Туркия баҳри иштирок дар даври омўзиш, ҷиҳати шиносоӣ бо муассисаҳои таҳсилоти олии ин кишвар ва табодули таҷриба, ки аз 5 то 11 ноябри соли 2008, сафари хидмати дошт.
Ҳайати гурўҳи сафари аз даҳ нафар иборат буд: Тазарф Насимова мутахассис аз Вазорати Маорифи ҶТ, ректорони мактабҳои олии кишвар Файзалӣ Комилов, Сироҷиддин Комилов, Абдулҳаким Розиҳзода, Носирҷон Солимов , Эмсал Коҷ, раиси Бунёди ҷамъиятии «Гуфтугўи Евроосиё» ва дигарон.
Файзалӣ Комилов дар ин сафар аз макотиби олии ин кишвар дидан намуда, бо Донишгоҳи Босфори Истамбул шартномаи ҳамкорӣ оид ба таҳсил равона кардани донишҷўён, такмили ихтисос ва таҷрибаомўзии устодон, конфронсҳои илмии дуҷониба ва робитаҳоии фарҳангии байниҳамдигарӣ ба имзо расонид. Намояндагони тарафҳо инчунин доир ба ташрифи ҳамдигарии ҳайатҳо ба розигӣ расиданд.

---