Наврўз
дар донишкада
 16-17-18
марти соли 2011 дар
Донишкадаи соҳибкорӣ ва
хизмати Тоҷикистон базми Наврўзӣ
доир гардид. 16 март
факултети туризм ва меҳмоннавозӣ,
17 март факултетҳои
хизмати молиявӣ, соҳибкорӣ
ва менеҷмент, 18 март
бошад дар варзишгоҳи донишкада
базми умумӣ таҳти унвони
«Омадӣ
хуш омадӣ, Наврўзи ҳуҷастапай»
бо тантана гузаронида
шуд.
Дар ҷашни Наврўзи байналмилалӣ
ҳамаи устодону донишҷўён,
омўзгорон ва хонандагони гимназияи
донишкада, меҳмонони зиёд ширкат
варзиданд. Дар ҷашн қариб
тамоми расму русуми омад-омади фасли
баҳор – ороиши банерӣ,
ороиши дастурхони идона бо маҳсулоте,
ки ҳафтсину ҳафтшинро
ифода мекарданд, саҳнаҳои
диққатҷалбкунанда
ва хотирмон, иҷрои бадеҳаҳо,
рақсҳо, қироати
шеър бахшида ба Наврўз, гуштии тарзи
озод, бандкашӣ, ки рамзи ғолиб
омадани баҳор бар зимистонро
дошт ва ғайра сурат гирифтанд.
Ректори донишкада, профессор Комилов
Файзалӣ Саъдуллоевич ҳамагонро
бо фарорасии Наврўзи ҷаҳонӣ
бо тантана табрику таҳният гуфта,
саломатӣ ва бурдбориҳои
меҳнатӣ таманно кард.
Дар охир онҳое, ки дар фаъолияти
меҳнатиашон муваффақиятҳо
ба даст овардаанд, донишҷўёни
донишкада, толибилмони гимназия, ки
таҳсили хуб доранд, бо ифтихорномаҳо
ва мукофотҳои пулию молӣ
сарфароз гардонида шуданд.
Донишҷўи донишкада Нозияи Кароматулло
бо созу сурудҳои дилангезаш
хотири ҳозиринро шод гардонид.
| 
